Суперкомпьютер «Қайратқа» «Андерлехтті» айналып өтуге мүмкіндік қалдырмады
«Қайрат» Еуропа лигасы іріктеу плей-офф кезеңінің алғашқы матчында «Андерлехтке» 0:3 есебімен жеңілді. Бельгиялық команданың бас бапкері командасының негізгі кезеңге шығатынына әлі де сенімді емес, ал сарапшылар басқаша ойлайды, деп хабарлайды Sports24.kz.
FMD суперкомпьютері Рафаэль Уразбахтин шәкірттерінің Еуропа лигасының негізгі кезеңіне шығу үшін керемет нәтиже көрсететініне бар болғаны 1% ғана мүмкіндік беріп отыр. Ал қалған 99% «Андерлехттің» келесі кезеңге өтетініне тиесілі.
Бельгиялықтардың өз алаңында Қазақстан чемпионын тағы да жеңу ықтималдығы — 61%, тең нәтиже — 21%, ал «Қайраттың» жеңіске жету мүмкіндігі — 18%. Сарапшылар ең ықтимал есеп деп «Андерлехттің» 1:0 немесе 2:0 есебіндегі "құрғақ" жеңісін атайды — әрқайсысына 10,3% бөлінген.
Айта кетейік, қарымта матч «Андерлехт» пен «Қайрат» арасында 27 тамызда Астана уақыты бойынша 23:30-да өтеді. Бұл жұптың жеңімпазы Еуропа лигасының негізгі кезеңіне өтеді, ал жеңілген команда Конференциялар лигасының дәл осы сатысында өнер көрсетеді.
