Келесі аялдама – Конференциялар лигасы: «Қайрат» «Андерлехтені» екінші матчта да ірі есеппен жеңілді
«Қайрат» УЕФА Еуропа лигасының плей-офф кезеңіндегі екінші матчта да бельгиялық «Андерлехтен» ірі есеппен жеңілді, деп хабарлайды Sports24.kz тілшісі.
Брюссельдегі кездесу бір апта бұрын Қазақстанда өткен алғашқы матчқа ұқсас сценарий бойынша өрбіді.
Үзіліске шығар алдында Олжас Байбек өз командасының айып алаңында қолмен ойнап, алаң иелеріне пенальти тебу құқығы берілді. Он бір метрлік айып добын Михайло Цветкович сәтті орындап, есепті 1:0-ге жеткізді.
Ал екінші таймда Шерхан Қалмырзаның қақпасына тағы екі доп кірді. 53-минутта Даниил Сикан екінші голды соғып, Еуропа лигасының негізгі кезеңіне шығатын команданы анықтады. Ал Қазақстан чемпионының тағдырын Жулиан Бьянкон біржола шешті.
Еске салайық, Алматының Орталық стадионында өткен алғашқы кездесу қонақтардың 3:0 есебіндегі сенімді жеңісімен аяқталған болатын.
Осылайша, «Андерлехт» Еуропа лигасының негізгі кезеңінде ойнайды, ал «Қайрат» күзде Конференциялар лигасында өнер көрсетеді.
УЕФА Еуропа лигасы-2026/27 және Конференциялар лигасы-2026/27 негізгі кезеңдерінің жеребесі 28 тамызда Астана уақытымен 17:00-де өтеді.
УЕФА Еуропа лигасы
Плей-офф кезеңі, 3-матч
«Андерлехт» – «Қайрат» 3:0
Голдар: Цветкович, 45, пен.; Сикан, 53; Бьянкон, 71.
