«Қайратқа» құрметім зор: «Андерлехт» бапкері ЛЕ топтық кезеңіне жолдама тағдырын шешілді деп есептемейді
«Андерлехттің» бас бапкері Витор Бруну Лига Еуропасы іріктеу плей-офф кезеңіндегі «Қайратқа» қарсы ойынды талдап, шәкірттері 3:0 есебімен жеңіске жеткенін айтты, деп хабарлайды Sports24.kz.
Португалиялық маман «Андерлехт» өз алаңында үш голдық басымдыққа ие болса да, бұл топтық кезеңге жолдаманы кепілдемейді деп санайды. Ол жуырда ғана болған мысалды еске салды: даттық «Орхус» Чемпиондар лигасы іріктеуінің алғашқы матчында поляктық «Лехтен» үйінде 1:4 есебімен жеңіліп, бірақ жауап кездесуде келесі кезеңге өтті:
«Келесі кезеңге шығу қалтамызда деп ойлайсыздар ма? Бұл туралы ұмытыңыздар. Мен өз алаңында 1:4 есебімен ұтылып, кейін жауап матчта келесі кезеңге өткен командаларды көргенмін. Егер мен «Қайраттың» бапкері болсам, ойыншыларымды қалай ынталандыру керектігін анық білер едім.
Егер менің футболшыларым «Қайрат» ойыншыларының орнында болса, олар да жағдайды өзгерту үшін бар күшін салар еді. Жауап ойында да мен «Қайратқа» бүгінгідей құрметпен қараймын», — деді Бруну баспасөз мәслихатында.
Бұған дейін «Қайраттың» бас бапкері Рафаэль Уразбахтин мойындады, оның командасының жеңілуіне қарапайым қателіктер себеп болғанын.
