Титулға жасалған қадам: ҚПЛ-дің орталық матчында «Ордабасы» «Ақтөбеден» басым түсті
ҚПЛ-дің 23-туры аясында «Ақтөбе» өз алаңында чемпионат көшбасшысы «Ордабасыны» қабылдады, деп хабарлайды Sports24.kz.
Шымкенттік клуб бұл кездесуге қатарынан үш жеңістен кейін келіп, табысын жалғастыруды көздеді. Алайда алғашқы тайм Андрей Мартин шәкірттері жоспарлағандай өрбіген жоқ. 21-минутта Даниэль Соса алаң иелерін алға шығарды.
Шымкенттен келген қонақтар екінші таймның басында Лео Наттелдің дәл соққысының арқасында есепті теңестірді. Ал бірнеше минуттан кейін Наттел Сергей Малыйға нәтижелі пас берді.
73-минутта «Ақтөбе» есепті қысқартты, алайда Сосаның екінші дәл соққысын төреші ақтөбелік легионердің қолмен ойнағанына байланысты есепке алмады. Ал бірнеше минуттан соң Тидиана Кейта қонақтардың үшінші голын соғып, матчтағы соңғы есепті белгіледі – 3:1.
Осылайша, Мартин командасы «Қайраттан» жеті ұпайға ұзап кетті, алайда алматылықтар турдағы өз матчын әлі өткізген жоқ. «Ақтөбе» 45 ұпаймен бесінші орында қалды.
ҚПЛ, 23-тур
«Ақтөбе» – «Ордабасы» 1:3
Голдар: Соса, 21 – Наттел, 47, Малый, 53, Кейта, 77
