Жұмағұловтың IBA NOMAD 16 турниріндегі жекпе-жегі төрешілер шешімімен аяқталды

Қазақстандық файтер Жалғас Жұмағұлов Ташкентте өткен IBA NOMAD 16 турнирінде Ресей өкілі Асрор Ақпарходжаевпен жекпе-жек өткізді, деп хабарлайды Sports24.kz.

Бокс ережесі бойынша ММА қолғаптарымен өткен қауырсын салмақтағы жекпе-жек толық үш раундқа созылды. Жеңімпаз төрешілер шешімімен анықталды. Төреші жеңісті Асрор Ақпарходжаевқа берді.

• Ташкенттегі IBA Nomad 16: турнирді қайдан көруге болады және қазақстандықтардың қатысуымен толық кард

Айта кетейік, Жалғастың (19-9) аралас жекпе-жектегі соңғы ресми айқасы маусым айында бразилиялық Игор Севериноға (10-1) қарсы Oktagon лигасының жеңіл салмақтағы чемпионы атағы үшін өтті. Бразилиялық файтердің тыйым салынған әдісті қолдануына байланысты бұл жекпе-жек өтпеді деп танылды.

Айтпақшы, бұған дейін Қырғызстаннан келген Еркебұлан Тоқтардың қарсыласы IBA Nomad 16 турнирінде нокаутпен жеңіске жетті.

Данияр Қайратов

Редактор

0 0 0 0 0 0