Бейне: Тухель Англияның Хорватияға қарсы жүйкеге жүк салған жеңісін бағалады
Англия құрамасының бас бапкері Томас Тухель «үш арыстанның» Хорватияға қарсы (4:2) әлем чемпионаты-2026-дағы алғашқы матчындағы жеңісін Sports24.kz тілшісіне талдап берді.
«Бастапқыда қобалжу болды. Мүмкін, бәрін мінсіз жасағымыз келіп, тактикалық шешімдерде артық ойланып кеттік. Соның салдарынан біз алаңның төменгі бөлігінде тым көп уақыт өткіздік. Бұл – бізге тән емес, біздің қалағанымыз да емес.
Есепте екі рет алға шықсақ та, бұл бізге тәуекелділік қоспады. Бір нәрсені сақтап қалу керек деген ой үстем болды. Соның кесірінен жазаландық, бұл психологиялық тұрғыда әрдайым оңайға соқпайды. Бірақ бұған реакциямыз керемет болды.
Біз әлі де жұмыс істеуіміз керек тұстар бар, бұл алғашқы ойын үшін қалыпты жағдай. Турнир ырғағына енуіміз керек. Хорватиямен бастау бізге оңай тиген жоқ. Сондықтан қазір позитивке көңіл аударып, сәтті сәттердің рақатын көрудеміз. Ал кемшіліктерді түзетуге алда әлі уақыт жеткілікті», — деді Тухель баспасөз мәслихатында.
Айта кетейік, бірінші таймда ағылшындар есепте екі рет алға шықты, алайда хорваттар екі мәрте таразы басын теңестірді. Екінші тайм басында Джуд Беллингем гол соққаннан кейін «үш арыстан» басымдылығын нығайтты, және оны ойын соңына дейін бермеді.
