Словакия құрамасының жаттықтырушысы Қазақстанмен матчтағы сәттіліктің сырын атады
Словакия құрамасының бас жаттықтырушысы Владимир Вайсс Ұлттар лигасында Қазақстанға қарсы өтетін матчтан күтер ойын айтып берді, деп хабарлайды Sports24.kz.
Ұлттар лигасы С тобындағы 2-тур кездесуі сейсенбі, 29 қыркүйекте өтеді. Матч Астана уақытымен 23:45-те басталады.
«Алғашқы матч әрдайым қиын өтеді, алайда Қазақстанмен ойын да жеңіл серуен болмайды. Қазақстан құрамасын жақсы білемін. Оларда жас ойыншылар көп, сонымен қатар тәжірибелі футболшылар да бар.
Дегенмен, бұл міндетті орындауға біздің сапамыз жеткілікті. Бізде ойын тағдырын шеше алатын футболшылар бар. Алайда Қазақстанға қарсы матчқа дейін бірдеңе ойластыруымыз керек, өйткені шабуыл кезеңінде тиімдірек әрекет етуіміз қажет», — деп Вайсстің сөзін Sports.kz келтіреді.
Бұған дейін Словакия құрамасының жаттықтырушысы Қазақстанмен матч алдында арандатушылық мәлімдеме жасаған.
Еске салайық, Қазақстан құрамасы Ұлттар лигасындағы жолын Фарер аралдарына қарсы сырт алаңдағы тең ойынмен бастады. Бірінші турдан кейін Қазақстанның еншісінде бір ұпай бар. С дивизионы тобында үш ұпай жинаған Словакия құрамасы көш бастап тұр, ал Молдова әзірге ұпайсыз келеді.
