Ұлттар лигасындағы Словакия — Қазақстан матчы. Онлайн көру
29 қыркүйектен 30 қыркүйекке қараған түні Қазақстан құрамасы УЕФА Ұлттар лигасының 2026/27 маусымындағы топтық кезеңнің екінші матчын өткізеді. Команда сырт алаңда Словакия құрамасымен ойнайды, деп хабарлайды Sports24.kz.
Кездесу Кошице қаласындағы «Кошице футбол аренасында» өтеді және Қазақстан уақытымен 23:45-те басталады. Матчтың тікелей трансляциясын «Qazsport» телеарнасы көрсетеді.
Бірінші турда Словакия өз алаңында Молдованы 2:0 есебімен жеңіп, үш ұпай жинады. Қазақстан сырт алаңда Фарер аралдарымен 1:1 есебімен тең түсті. Қазақстан құрамасының жалғыз голын Темірлан Ерланов соқты.
Бірінші турдан кейін Словакия үш ұпаймен С лигасының 3-тобында бірінші орында тұр. Қазақстан мен Фарер аралдарында бір-бір ұпайдан, ал Молдова ұпайсыз қалды.
Қазақстан мен Словакия Ұлттар лигасында бұған дейін де кездескен. 2022 жылғы маусымда өткен соңғы өзара матчта Қазақстан құрамасы 2:1 есебімен жеңіске жетті.
