Семей соты «Елімай» — «Ордабасы» матчындағы қорлаудан кейін төрешіні жазалады
Арман Исмуратовқа бес тәулік әкімшілік қамау тағайындалды
Футбол
Жантөре Қайсаров
Редактор
ФОТО: КФФ
«Елімай» — «Ордабасы» кездесуі төрешісі Арман Исмуратов матчтан кейінгі мәлімдемелерімен есте қалып, Семей әкімшілік сотының шешімімен жазаланды, деп хабарлайды Sports24.kz.
Қоғам қайраткері Серік Байғалиевтің айтуынша, сот Исмуратовқа бес тәулік әкімшілік қамау тағайындады:
«Құрметті жерлестер! «Елімай» футбол клубының өкілдері әкімшілік сот отырысынан шықты. Судья Қалиева үкім шығарды: төреші Исмуратовқа бес тәулік қамау. Абай жерінде мұндайға жол жоқ екенін бәрі түсінеді деп сенемін», – деді Байғалиев.
Еске сала кетейік, «Ордабасы» 3:1 есебімен жеңіске жеткен матчтан кейін «Елімайдың» бас бапкері Андрей Карпович төреші тарапынан қорқыту болғанын мәлімдеген еді. Бұл кейін бейнебақылау камераларының жазбасымен расталды.
