«Мен сендерді сілейтіп тастаймын». «Елімай» - «Ордабасы» матчынан кейінгі төреші қорқытуының жазбасы жарияланды
Арман Исмуратов ойыннан кейін сөзін іріккен жоқ
Футбол
Данияр Қайратов
Редактор
ФОТО: КФФ
«Елімай» - «Ордабасы» (1:3) матчынан кейін төреші Арман Исмуратовтың айтқан сөздері жазылған видео жарияланды, деп хабарлайды Sports24.kz.
Жазбада Исмуратовтың трибуналар астындағы бөлмеде: «Тағы жарты маусым алда. Мен сендерді сілейтіп тастаймын», – деп анық айтқаны естіледі.
Бұған дейін «Елімайдың» бас бапкері Андрей Карпович төрешінің «Ордабасы» матчынан кейін өзіне қатысты орынсыз сөздер айтқанын мәлімдеген еді. Оның айтуынша, Исмуратов матчтан соң оған қоқан-лоққы көрсетіп, шымкенттік команданы қорлаған.
Айта кетейік, Семейдегі ойын шымкенттіктердің сенімді жеңісімен 3:1 есебімен аяқталды. Матч соңында алаң иелерінің ойыншысы Жан-Әли Пайруз Исмуратовтан тікелей қызыл қағаз алды.
