«Елімай» - «Ордабасы» матчіндегі жанжал: төреші бұған дейін де даулы оқиғаларға түскен
КПЛ-дың 12-турындағы «Елімай» мен «Ордабасы» арасындағы атышулы матч жаңа мәліметтермен толықты, деп хабарлайды Sports24.kz.
Еске сала кетсек, ойыннан кейін семейлік клубтың бапкері Андрей Карпович бас төреші Арман Исмуратовтың жұмысына ашық наразылық білдірген болатын.
Кейін бұл дауға Абай облысының әкімі Берік Уәлиге де араласуға тура келді.
Сол арада жанкүйерлер төрешінің мансабындағы ең атышулы оқиғалардың бірін еске алды. Исмуратов бұған дейін де қазақстандық футболдағы резонансты жанжалдың ортасында болған. 2021 жылдың наурызында Қазақстан чемпионатындағы «Атырау» мен «Шахтер» арасындағы матчтан кейін алаң иелері жартылай қорғаушысы Сабит Тастанбековтың төрешіге дәлізде шабуыл жасағаны туралы ақпарат тарады. Алайда көп ұзамай желіде жарияланған видеода, көптеген бақылаушылардың пікірінше, агрессияны бірінші болып төрешінің өзі көрсеткен.
Аталған видео жарияланғаннан кейін бұл оқиға қоғамда үлкен резонанс тудырды. ҚФФ-ның төрешілер комитеті істің материалдарын қарап, Исмуратовты уақытша қызметінен шеттетуге шешім қабылдады. Федерация бұл материалдардың қосымша бағалау үшін ФИФА мен УЕФА төрешілер комитетіне жіберілгенін мәлімдеді.
Сол кезде ҚФФ-ның төрешілік және инспекциялау департаментінің директоры Сергей Кенетаев төреші тергеу аяқталғанша матчтарға қатыса алмайтынын растады.
Енді Исмуратовтың есімі тағы да «Елімай» мен «Ордабасы» кездесуінен кейін ел назарында тұр. Әлеуметтік желіде және жанкүйерлер арасында бес жыл бұрынғы жағдайды еске алып, қазіргі әрекеттері төрешіге деген сенімсіздікті күшейтті деп атап өтуде.
«Ашықтан-ашық өрескел, мінезі ауыр адам»;
«ҚФФ, қайда қарап отырсыңдар?!»;
«Қазақстандық футбол — тұтқасыз шабадан, пайдасы жоқ»;
«Неткен масқара»;
«Әлем чемпионаты болып жатқанда, бізде осындай лас жайттар», – деп жазады қолданушылар.
Айта кетейік, «Елімай» - «Ордабасы» матчындағы даулы эпизодтар бойынша ресми қорытынды мақала жарияланғанға дейін шыққан жоқ.