«Ордабасы» «Елимайды» жеңіп, маңызды жеңіске жетті
«Ордабасы» Қазақстан Премьер-лигасының 13-турында сырт алаңда «Елимайды» тізе бүктірді, деп хабарлайды Sports24.kz тілшісі.
Семейлік команда кездесуді жақсы бастағанымен, есепті алғашқы болып шымкенттік қонақтар ашты. Лео Натэл 36-минутта гол соқты.
Екінші таймда Абагна хоккей стилінде допты қақпаға бағыттап, қонақтардың басымдығын еселей түсті. 84-минутта Березкин есеп айырмасын қысқартты, алайда алаң иелерінің бүгінгі ойыны бұдан әріге жетпеді. Ал «Ордабасы» тағы бір голмен жауап берді: Жасұлан Әмір кездесудің соңғы есебін белгіледі – 3:1.
Осылайша, «Ордабасы» елдің қазіргі чемпионы «Қайраттан» төрт ұпайға озды және бір ойын қорда бар. Теориялық тұрғыдан екі команданың арасындағы айырмашылық жеті ұпайға дейін артуы мүмкін.
ҚПЛ, 13-тур
«Елимай» – «Ордабасы» 1:3
Голдар: Березкин, 84 – Лео Натэл, 36, Абагна, 36, Жасұлан, 85
