Месси дубль жасап, Клозенің рекордын жаңартты және Аргентинаны плей-оффқа шығарды
Аргентина құрамасы 2026 жылғы әлем чемпионатының плей-офф кезеңіне мерзімінен бұрын жолдама алды, деп хабарлайды Sports24.kz.
J тобындағы екінші тур матчында аргентиналықтар Аустрияны 2:0 есебімен жеңді. Кездесудің басты кейіпкері тағы да Лионель Месси болды.
Матчтың басында аргентиналық жұлдыз пенальтиді мүлт жібергенімен, кейін қателігін толық түзетті. Алдымен ол 38-минутта есеп ашса, 90+4 минутта дубль авторы атанды.
Осылайша Месси әлем чемпионаттарындағы гол санын 18-ге жеткізді. Бұл көрсеткіш оған Мирослав Клозенің рекордын жаңартып, мундиальдар тарихындағы үздік сұрмерген атануға мүмкіндік берді.
Әлем чемпионаты-2026. J тобы
Аргентина - Аустрия - 2:0
Голдар: Месси 38, 90+4.
Екі турдан кейін Аргентина құрамасының қоржынында алты ұпай бар. Команда мерзімінен бұрын плей-оффқа жолдама алып отыр.
Еске салайық, алғашқы турда аргентиналықтар Алжирді 3:0 есебімен жеңген болатын. Ол матчта да барлық үш голды Лионель Месси соққан еді.
Осылайша Месси қазіргі әлем чемпионатында екі матчта бес гол соғып, тарихи рекордтарды жаңартуды жалғастырып келеді.
