Қазақстан Ұлттар лигасы матчында Молдоваға есе жіберді
Қазақстан құрамасы УЕФА Ұлттар лигасының топтық кезеңіндегі Молдова командасына қарсы матчта 1:2 есебімен жеңіліс тапты, деп хабарлайды Sports24.kz.
Бірінші таймда ойын тең нәтижемен аяқталатындай көрінген еді. Алайда Лилиан Попескудің шәкірттері үзіліске дейін Ники Клещенконың голы арқылы есеп ашты. Бұл доп шешуші болғанға ұқсайды, өйткені екінші тайм басталғаннан кейін бес минут өткенде молдовалықтар басымдығын еселей түсті.
Екінші таймның орта тұсында Нұралы Әліп есеп айырмасын қысқартқанымен, одан әріге шамасы жетпеді — Қазақстан өз алаңында Молдоваға сенсациялық түрде жол берді деуге болады.
Осылайша, Джон ван’т Схип әзірге ұлттық құраманың тізгініндегі жеңістерімен мақтана алмайды — Ұлттар лигасының топтық кезеңіндегі алғашқы айналымнан кейін ол небәрі бір ұпай жинады: Фарер аралдарымен 1:1 есебімен тең ойнап, Молдова мен Словакиядан 1:2 есебімен жеңілді.
Ал Қазақстан Молдоваға қатарынан екінші ойында жеңілді. Айта кетейік, 2022 жылғы 29 наурызда Ұлттар лигасының плей-аут кезеңінде 0:1 есебімен тіркелген жеңіліс те Астанада болған.
Футбол. Ұлттар лигасы, 3-тур
Қазақстан — Молдова — 0:1
Голдар: Әліп, 64 — Клещенко, 45+1, Попеску, 50
