2026/27 жылғы Ұлттар лигасының плей-офф кезеңіндегі жұптар анықталды
УЕФА-да турнирдің ширек финалына жеребе тартылды
Футбол
ФОТО: УЕФА
20 қарашада Швейцарияның Ньон қаласында Ұлттар лигасының плей-офф кезеңіне жеребе тартылды. Оның қорытындысы бойынша турнирдің ширек финалындағы қарсыластар анықталды, деп хабарлайды Sports24.kz.
Финалдық кезеңге шығу үшін сегіз құрама бақ сынайды. Жеребе қорытындысы бойынша командалар төмендегідей бөлінді:
- Испания - Франция;
- Нидерланд - Португалия;
- Норвегия - Англия;
- Бельгия - Германия.
Сондай-ақ А және В дивизиондары арасындағы өтпелі матчтардың жұптары белгілі болды:
- Босния және Герцеговина - Дания;
- Венгрия - Сербия;
- Ирландия - Хорватия;
- Словения - Уэльс.
В және С дивизиондары арасындағы өтпелі матчтарда мына құрамалар кездеседі:
- Кипр - Солтүстік Македония;
- Эстония - Румыния;
- Фарер аралдары - Грузия;
- Беларусь - Израиль.
Ширек финалдар мен өтпелі кездесулердің алғашқы матчтары 2027 жылғы 25–27 наурызда, ал қарымта ойындар 28–30 наурызда өтеді.
Ұлттар лигасының финалдық турнирі 2027 жылғы 9–13 маусымға жоспарланған. Қазіргі чемпион — Португалия құрамасы.