«Қайрат» пен «Левски» арасындағы қарымта кездесу құрамдары белгілі болды
Чемпиондар лигасының үшінші іріктеу кезеңінің қарымта матчтарының бағдарламасы «Қайрат» пен «Левски» арасындағы кездесуден басталады. Қазақстан мен Болгария чемпиондарының ойынына арналған құрамдар белгілі болды, деп хабарлайды Sports24.kz.
Софиядағы алғашқы кездесудің тағдырын шешкен Серджиньо да бастапқы құрамда алаңға шығады. Рафаэль Уразбахтин мен Хулио Веласкес құрған командалардың толық старттық құрамдары төмендегідей:
- Сондай-ақ оқыңыз: ЧЛ финалын жүргізген: «Қайрат» — «Левски» матчына төреші белгілі болды
«Қайрат»: Анарбеков, Мата, Африков, Широкобоков, Кассабулат, Оксанен, Майбек, Мендонса, Мрынский, Юккола, Гуаль
«Левски»: Вуцов, Сентеллес, Сериафимов, К. Димитров, Алдаир Невеш, Серджиньо, Трдин, Мубарик, Рейналдо, Эвертон Байя, Око-Флекс
Естеріңізге сала кетейік, «Түркістан-Аренада» алғашқы ысқырық Астана уақытымен 20:00-де естіледі. Бұл жұптың жеңімпазы Чемпиондар лигасының плей-офф кезеңінде Грекиялық АЕК-ке қарсы ойнайды, ал жеңіліп қалған ұжым Еуропа лигасының осы сатысында ПАОК — «Андерлехт» жұбының жеңімпазымен кездеседі. Бірінші матчта Болгария чемпионы 1:0 есебімен минималды жеңіске жеткен болатын.
