Уразбахтин «Қайраттың» Чемпиондар Лигасынан шығып қалуы туралы пікір білдірді
«Қайрат» командасының бас бапкері Рафаэль Уразбахтин УЕФА Чемпиондар Лигасының үшінші іріктеу кезеңінің жауапты матчында болгариялық «Левскиден» жеңілгеннен кейін өз пікірін білдірді, деп хабарлайды Sports24.kz.
Түркістандағы екінші кездесуде де болгариялық ұжым 1:0 есебімен жеңіске жетті (екі ойын қорытындысы бойынша жалпы есеп 2:0, София командасының пайдасына).
«Ең алдымен, бүгін бізді қолдауға келген жанкүйерлерімізге үлкен алғыс айтқым келеді. Олар стадионда керемет атмосфера сыйлады. Өкінішке қарай, біз оларды жеңіспен қуанта алмадық. Реніш бар, әрине, көңілсізбіз. Бірақ барымызды салдық. Шынын айтсақ, қақпаға жасаған соққыларымызды ескерсек, кемінде бір гол соғуға лайық едік. Өкінішке орай, сәтсіздікке ұшырадық.
Алайда, көңіліміз түспейді. Алда бізді өте маңызды ойындар күтіп тұр — ел чемпионатында да, еурокубоктарда да негізгі кезеңге шығу үшін күрес жалғасады. Әрине, сәл ренжіп қалдық. Бірақ алға жылжуымыз керек, басқа амал жоқ. Қазіргі жағдай осылай болып тұр.
Қолымыздан келгенше тырыстық, сәл ғана жетпей қалды, бірақ бәрібір алға ұмтылуымыз керек. Осындай ойындарда біз үлкен тәжірибе жинаймыз, бұл болашақта көмегін береді деп сенемін», — деді Уразбахтин.
Енді Қазақстан чемпионы өз жолын Еуропа Лигасында жалғастырады. Бұл кезеңде Уразбахтиннің командасы бельгиялық «Андерлехт» пен гректің ПАОК клубы арасындағы қарсыласпен (алғашқы матчта бельгиялықтар 1:0 есебімен алда) шеберлік байқасады.
