РЕСМИ: Хави бапкерлік қызметке қайта оралды
«Барселонаның» аңызы Хави Эрнандес екі жылдық үзілістен кейін ресми түрде бапкерлік қызметке қайта оралды, деп хабарлайды Sports24.kz.
Хави Нидерланды ұлттық құрамасының жаңа бас бапкері болу жөнінде келісімге келді. Барлық келісімдер толық аяқталып, тараптар арасындағы келісімшарт 12 тамызда қол қойылды. Бұл туралы Нидерланды футбол федерациясы ресми түрде жариялады.
Бұл Испаниялық маман үшін ұзақ үзілістен кейінгі бапкерлік қызметке қайта оралу ғана емес, сондай-ақ оның ұлттық құраманы алғаш рет басқаратын сәті болмақ.
Нидерланды құрамасы әлем чемпионатындағы сәтсіздіктен кейін, Мароккомен 1/16 финалда ұтылып, бас бапкерсіз қалған болатын.
Айта кетейік, Хавидің соңғы жаттықтырған клубы — «Барселона». Ол каталондық алыпты 2021 жылдың қарашасынан 2024 жылдың мамырына дейін басқарды. Испаниялық бапкер осы кезеңде Ла Лига мен Испания суперкубогын жеңіп алды. Бұған дейін каталондық маман Катардың «Әл-Садд» клубында да бапкерлік еткен.
