«Левски» командасы «Қайратпен» өткен матчтың қорытындысын шығарды
«Левски» ойыншысы Рейналдо Sports24.kz тілшісіне эксклюзивті сұхбатында Чемпиондар лигасының үшінші іріктеу кезеңіндегі қарымта матчта «Қайратты» жеңгендерін талқылады.
«Ойын оңайға соққан жоқ, әсіресе ауа райының ыстығы мен алаңның жағдайын ескерсек. Біз бүкіл команда болып нәтижеге риза болдық және бұл жеңіспен шектелмейміз. Бүгін алаңда барын салған барлық жігіттерге алғыс айтамын. Алматы клубына сәттілік тілеймін, ал біз келесі матчқа дайындықты бастаймыз», – деді Рейналдо.
Еске сала кетейік, кеше «Левски» «Қайратты» 1:0 есебімен жеңіп, екі ойын қорытындысы бойынша 2:0 нәтижесімен келесі кезеңге өтті. София клубы Чемпиондар лигасының төртінші іріктеу кезеңіне шығып, грек АЕК командасымен кездеседі.
«Қайрат» Еуропа лигасындағы жорығын жалғастырады. Турнирдің төртінші іріктеу кезеңінде Рафаэль Уразбахтиннің шәкірттері ПАОК пен «Андерлехт» жұбының жеңімпазымен ойнайды.
