Әрі қарай Еуропа лигасы: «Қайрат» «Левскиге» екінші матчта да есе жіберді
11 тамыз, сейсенбі күні Түркістанда Алматының «Қайраты» мен болгариялық «Левски» арасындағы Чемпиондар лигасының үшінші іріктеу кезеңінің жауапты кездесуі өтті, деп хабарлайды Sports24.kz.
Алғашқы матч Софияда өтіп, «Қайрат» қосымша уақытта өкінішті гол өткізіп алып, «Левски» 1:0 есебімен жеңіске жеткен болатын.
Жауапты кездесуде болгариялық команда алаңда толық басымдық көрсеткен жоқ. Дегенмен, қонақтар бұл жолы алғашқы ойынға қарағанда әлдеқайда жылдам гол соқты.
13-минутта-ақ Рейналдо қонақтарды алға шығарды, осылайша есеп екі матчтың қорытындысы бойынша 2:0-ге жетті. Ойынның қалған уақытында қазақстандық ұжым қарсылас қақпасына жол іздеп, барын салды, алайда есепті теңестіре алмады. Нәтижесінде, екінші матч та болгариялық ұжымның пайдасына 1:0 есебімен аяқталды.
Осылайша, Қазақстан чемпионы өз жорығын Еуропа лигасында жалғастырады. Бұл кезеңде Рафаэль Уразбахтин шәкірттерінің қарсыласы бельгиялық «Андерлехт» пен гректің ПАОК командалары арасындағы жұптың жеңімпазы болады (алғашқы матчтан кейін 1:0 есебімен бельгиялықтар алда), екінші ойын 13 тамыз күні өтеді.
Айта кетейік, тағы бір қазақстандық клуб еурокубоктардағы күресін жалғастыруда. Қостанайдың «Тобылы» Конференциялар лигасында өнер көрсетіп, үшінші іріктеу кезеңінде сербиялық «Партизанмен» кездеседі (алғашқы ойыннан кейін 0:3).
ЧЛ, 3-іктеу кезеңі
«Қайрат» – «Левски» 0:1 (екі ойын нәтижесі бойынша 0:2)
Гол: Рейналдо, 13
