«Жұзі бала, бірақ қандай мінез!» – Ресейде Калмурзаның Чемпиондар лигасындағы ойынына таңданыс білдірді
Ресейлік «Okko Sport» комментаторы Александр Степанов Sports24.kz сайтына берген эксклюзивті сұхбатында қазақстандық «Қайраттың» Чемпиондар лигасының жалпы кезеңіндегі бірінші турда португалиялық «Спортингке» қарсы ойынын қорытындылады.
Еске сала кетейік, «Қайраттың» жалпы кезеңдегі дебюті Лиссабонда өткен ойында «Спортингтен» (1:4) жеңіліспен аяқталды. Дегенмен матчтың басты ойыншыларының бірі қақпашы Шерхан Қалмырза болды. Бұл кеш оның өзі үшін ерекше мәнге ие болды: ол қақпада сенімді ойнап қана қоймай, Чемпиондар лигасы тарихына енді. 21-минутта «Қайрат» қақпашысы Педру Хюльмандтың пенальтиді қайтара білді. Осылайша, мұндай жетістікке қол жеткізген турнир тарихындағы ең жас қақпашылардың бірі атанды.
«Қайратты» Чемпиондар лигасындағы лайықты дебютімен құттықтаймын. Әсіресе алғашқы бір сағаттағы ойынды ерекше атап өткім келеді — команда өте сенімді көрінді. Жеке құттықтауларымды Шерхан Қалмырзаға жолдаймын. Шынымды айтсам, Алматыда қақпашыларды қалай дайындайтынын білмеймін, бірақ әр жолы «Қайраттан» шешуші сәтте пенальти қайтаратын голкипер шығады. Жас қақпашы ешқандай да «соққыға жығылатын бала» болған жоқ. Керісінше — дәл осы кеште ол үлкен деңгейде нағыз кәсіби ойыншыға айналды. Әрине, 18 жас, жүзі баладай, бірақ ойыны — тәжірибелі қақпашыныкі. Біздің аулада айтатындай — нағыз «шәугім», бірақ мінезі қандай мықты!
Әрине, алаңның кейбір бөліктерінде жекелей шеберліктің жетіспеуі көзге түсті. Сол қанат жиі әлсіреп қалды, әсіресе алғашқы таймда Максимилиано Араухо қалағанын істеп жүрді. Бірақ орталық қорғаушылар — Александр Мартынович пен Егор Сорокин өте жақсы ойнады. Мартынович ерекше әсер қалдырды: ол уақытылы қорғаныс шебінен шығып, пастарды үзіп, тіпті шабуылдарды бастады.
Тринкао допты ғажайып доға бойымен дәл бағананың түбіне бағыттады — мұны қайтару мүмкін емес еді. Сондықтан бұл жерде қақпашының кінәсі жоқ. Екінші гол Франсишку Тринкаудың жеке шеберлігінің арқасында соғылды.
Ең бастысы — есепте ірі айырмашылықпен жеңіліп жатса да, Лиссабон алаңында «Қайрат» еңсесін тіктеп, гол соқты. Матч соңында Эдмилсонның соққан голы команда кез келген қарсыласпен күресе алатынын дәлелдеді. Бұл эпизод «Қайрат» ойыншыларына Алматыда «Реалға» қарсы матч алдында сенім сыйлайды», — деді Александр Степанов.
Сондай-ақ Алмат Бекбаев Қалмырзаның «Спортингке» қарсы ЛЧ матчындағы ойынын бағалады .
