Үздік айқас: Царукян мен Хамитов RAF турнирінде кездеседі
Қазақстандық аралас жекпе-жек шебері Қуат Хамитов Грузияда өтетін RAF балуандар лигасы турнирінде UFC-дің армян спортшысы Арман Царукянмен айқасады, деп хабарлайды Sports24.kz.
Орта салмақтағы кездесу 11 шілдеде Грузия астанасы Тбилисиде өтеді.
Айта кету керек, 2025 жылы бұл спортшылар арасында сөз таласы болған еді. Сол кезде Хамитов Мәскеуде өткен ACBJJ 20 балуандар турнирі алдындағы баспасөз мәслихатында Царукянге тікелей айқас ұсынған және оны өзімен жұдырықтасудан қашқақтады деп айыптаған болатын.
Жекпе-жек ресми жарияланған соң, Хамитов жанкүйерлерін әлеуметтік желілерде қолдауға шақырды.
«Жігіттер, пікірлерде қазақстандық тулардың жауын ұйымдастырайық!», — деп жазды Хамитов Instagram парақшасында.
Хамитов соңғы жекпе-жегін 14 ақпанда GFC 36 турнирінде бразилиялық джиу-джитсу ережелері бойынша өткізген. Қазақстандық спортшы Тбилисиде бразилиялық Алан Сильваға қарсы шығып, төрешілердің бірауызды шешімімен жеңіске жетті.
Ал Царукян мамыр айының соңында Арлингтонда өткен RAF 09 балуандар турнирінде америкалық Килон "Мэгзи" Джимисонды 16:5 есебімен айқын басымдықпен мерзімінен бұрын жеңді.
Бұған дейін Садулаев пен Снайдер Грузиядағы турнирде айқасатыны хабарланған еді.