Испанияда чемпиондар лигасы матчынан кейін «Қайрат» қақпашысына еуропалық клубтардың қызығушылығы туралы айтылды
Испаниялық сарапшы және Marca журналының журналисі Давид Руис Шерхан Қалмұрзаға Ла Лига клубтары көз тігуі мүмкін екенін мәлімдеді, деп хабарлайды Sports.kz ASnews.kz сілтеме жасап.
«Мен сенімдімін, «Қайрат» ойыншыларын скауттар «Селтикке» қарсы матчқа дейін-ақ бақылаған. Бірақ Чемпиондар лигасының негізгі кезеңі – бұл мүлде басқа деңгей».
Сондай-ақ, сарапшы келесідей пікір қосты:
«Осындай ойыннан кейін Шерханды Еуропаның үздік чемпионаттарында, соның ішінде Ла Лигада да бақылап жүргені анық. Бұл – тамаша қасиеттерге ие қақпашы, әрі ол небәрі 18 жаста», – деді журналист.
Алматылық клубтың түлегі Чемпиондар лигасындағы «Спортингке» қарсы ойында пенальтиден қайтарды, алайда қазақстандық команда 1:4 есебімен ұтылды.
Transfermarkt Қалмұрзаны 200 мың еуроға бағалайды.
