«Спортинг» шабуылшысы Тринкау «Қайратпен» өткен матч жайлы: Алдымен қиын болды, бірақ кейін қарқынға кірдік
Лиссабондық «Спортингтің» шабуылшысы Франсишку Тринкау Чемпиондар лигасының жалпы кезеңіндегі алғашқы турда қазақстандық «Қайратқа» қарсы өткен (4:1) ойынды қорытындылады.
«Біз бұл ойынның оңайға соқпайтынын білдік. Бұл турнирде әр кездесу бар күшті талап етеді. Бастапқыда сақ ойнадық, бірақ матч барысында қарқын алып, қажетті голдарды соқтық. Керемет жеңіс болды. Егер есепті ертерек ашқанымызда, қарсыластың жоғары прессингі бізге көбірек бос аймақ қалдырар еді, сонда ойын әлдеқайда жеңілдер еді», — деді форвард. Оның сөзін УЕФА баспасөз қызметі келтірді.
Келесі турда «Спортинг» 1 қазанда «Наполимен» кездеседі, ал «Қайрат» 30 қыркүйекте Алматыда мадридтік «Реалды» қабылдайды.
Қызықты дерек: алматылық клуб «Центральный» стадионынан (Алматы) Лиссабондағы «Жозе Алваладе» аренасына дейін 4 292 миль жол жүріп келді. Бұл – УЕФА Чемпиондар лигасы тарихында бір-бірімен кездескен командалар арасындағы ең үлкен қашықтық.
