«Тамаша ойын көрсетті» – Алмат Бекбаев Қалмырзаның «Спортингке» қарсы ЛЧ матчындағы ойынын бағалады
Қазақстан құрамасының бұрынғы қақпашысы Алмат Бекбаев Sports24.kz сайтына берген эксклюзивті сұхбатында Лиссабондық «Спортингке» қарсы Чемпиондар лигасының негізгі кезеңіндегі «Қайрат» ойыншыларының әрекеттеріне баға берді.
«Қайрат» ойыншылары жаман ойнаған жоқ. Үзіліске дейінгі гол өте өкінішті болды, бірақ бұл заңды еді. Ол кезде «Қайрат» футболшылары физикалық тұрғыда қатты шаршаған болатын. Шабуылда алматылықтар белсенділік таныта алмады, дегенмен 0:1 есебінде Сәтпаев пен Жоржиньоның екі нақты мүмкіндігі болды. Егер сол сәттерді пайдалана алғандарында, ойын мүлдем басқа арнаға бұрылуы мүмкін еді. Оның орнына команда екінші, сосын үшінші голды өткізіп алды да, кездесудің бағытын өзгерту мүмкін болмады.
Қақпашы Шерхан Калмурзаға келер болсақ – бұл жеңіліс үшін оны кінәлауға болмайды. Барлық жіберілген голдар жұмыс сәтінде болды, ешқандай анық қателік жасаған жоқ. Тамаша ойын көрсетті, қысымға төтеп берді, қақпа сызығында сенімді ойнады, бір рет қана сәтсіз шыққан эпизодтан басқа айтарлықтай қателік жіберген жоқ. Ол эпизод голға айналған жоқ. Шерханның тіпті Премьер-лигада да тәжірибесі болмағанын ескерсек, бірден Чемпиондар лигасы матчына шығуы – үлкен жетістік, – деді Алмат Бекбаев.
Айта кетейік, Чемпиондар лигасының негізгі кезеңіндегі «Қайраттың» дебюті Лиссабонда «Спортингтен» 1:4 есебімен жеңіліспен аяқталды. Матчтың басты кейіпкерлерінің бірі – «Қайрат» қақпашысы Шерхан Калмурза болды. Бұл кеш Калмурза үшін ерекше есте қалды: ол қақпада сенімді ойнап қана қоймай, Чемпиондар лигасы тарихына да енді. 21-минутта «Қайрат» қақпашысы Педру Хюльмандтың пенальтиді қайтарып, турнир тарихында мұндай жетістікке жеткен ең жас қақпашылардың бірі – екінші қақпашы атанды.
Сондай-ақ эксперт Дастан Сәтпаевтың «Спортингке» қарсы ойынын бағалады.
