«Жеңіске жететін уақыт келді»: Молдова ойыншысы Қазақстанды тікелей матч алдында сынға шақырды
Молдова құрамасының жартылай қорғаушысы Владимир Фратя Қазақстанға қарсы Ұлттар лигасындағы сырт алаңдағы матчтан үш ұпаймен оралуды үміт етеді, деп хабарлайды Sports24.kz.
Тираспольдің «Шериф» клубында ойнайтын 23 жастағы вингер ұлттық құрама сапында алты матч өткізді. Ол Астанаға апарар жол ұзақ болғанымен, бұл жеңіске кедергі болмауы тиіс деп есептейді, өйткені Молдова құрамасы да жоғары дивизионға көтерілуді мақсат етіп отыр:
«Жеңіссіз кезең тым ұзаққа созылды, сондықтан енді өзіміз және еліміз үшін жеңіске жететін уақыт келді. Қазақстанға баратын жол ұзақ болады, бірақ бұл біз үшін проблема деп ойламаймын. Біз кез келген басқа ойындағыдай алаңға тек жеңіс туралы оймен шығамыз, өйткені біздің мақсатымыз осы. Кестеде жоғары көтеріліп, деңгейі жоғары лигада ойнағымыз келеді — неге болмасқа?» — деді Фратя Moldova 1 телеарнасының эфирінде. Оның сөздерін moldfootball.com келтіреді.
Ұлттар лигасы топтық кезеңінің үшінші турында Қазақстан мен Молдова құрамалары арасындағы кездесу 2 қазанда Астана уақытымен 19:00-де өтеді. Бұған дейін матчқа қатысты өз болжамымен бөліскен шымкенттік «Ордабасы» клубының молдовалық бапкері Андрей Мартин болатын.
