Андрей Мартин Қазақстан құрамасының Ұлттар лигасында Молдовамен матчтағы мүмкіндігін бағалады
«Ордабасы» клубының бас бапкері Андрей Мартин Ұлттар лигасының екінші турында Қазақстан мен Молдова құрамалары арасында өтетін алдағы матчқа қатысты пікір білдірді, деп хабарлайды Sports24.kz.
«Екі команда да екі турдан кейін бір-бір ұпайдан жинады. Мұндай жағдай әрқайсысын жеңіс үшін ойнауға мәжбүр етеді. Өз алаңындағы ойын мен Қазақстан құрамасына қолайлы синтетикалық жабындыны ескерсек, алаң иелерінің мүмкіндігі сәл жоғары деп болжауға болады. Алайда Молдова құрамасы Фарер аралдарына қарсы өз алаңында өте жақсы ойын көрсетті және ойын сапасы мен жасаған мүмкіндіктеріне қарап, жеңіске жетуге тиіс еді. Сондықтан мен ымырасыз ойын күтемін. Екі командаға да футбол жанкүйерлерінің барлығын қуантатын сапалы футбол көрсетулеріне тілектеспін», - деді Андрей Мартин.
Қуат пен Сатпаев ойнамайды
Еске салайық, Қазақстан мен Молдова арасындағы матч 2 қазанда «Астана Арена» стадионында өтеді. Кездесу Қазақстан уақытымен 19:00-де басталады. Алдағы матчта сары қағаздардың көптігіне байланысты «Жеңіс» жартылай қорғаушысы Исламбек Қуат алаңға шыға алмайды. Жарақатына байланысты шабуыл шебіндегі бірқатар маңызды ойыншылар, соның ішінде Дастан Сатпаев пен Максим Самородов та ойнамайды.
Алдыңғы турда Джон ван ’т Схиптің командасы Словакиядан 1:2 есебімен жеңіліп қалды, ал оған дейін сырт алаңда Фарер аралдары құрамасымен тең ойнаған еді (1:1).
Мартин – Молдованың ең табысты мамандарының бірі
Айта кетейік, Андрей Мартиннің жетекшілігімен шымкенттік «Ордабасы» Қазақстан Премьер-лигасының турнирлік кестесінде көш бастап келеді, клубтың қоржынында 61 ұпай бар. «Ордабасыға» тағайындалғанға дейін Андрей Мартин молдованың «Петрокуб» клубын басқарды. Оның командасы Молдова чемпионатында және Кубогында жеңіске жетіп, клубты УЕФА Конференциялар лигасының негізгі кезеңіне шығарды. Ол сондай-ақ Молдова құрамасының жаттықтырушылар штабына кірген.
