Қазақстандық дзюдошылар Азия ойындарында үш медаль жеңіп алды
Қазақстан құрамасының дзюдошылары Аичи және Нагояда өтіп жатқан 2026 жылғы Азия ойындарында үш медаль жеңіп алды, деп хабарлайды Sports24.kz.
81 келіге дейінгі салмақта өткен финалда Әділет Алмат жапониялық спортшы Сотаро Фудзиварамен кездесті. Белдесуде жапониялық дзюдошы жеңіске жетті.
Ал Ажар Асхат 70 келіге дейінгі салмақтағы шешуші кездесуде жапониялық Рин Маэдаға қарсы татамиге шықты. Жапония өкілі басым түсіп, жеңіске жетті.
Ал Эсмигүл Қуюлова 63 келіге дейінгі салмақта қола медаль үшін Өзбекстан өкілі Маржона Нуруллоеваға қарсы кездесті. Қосымша уақытта Эсмигүл «ваза-ари» бағасын алып, жеңіске жетті.
Осылайша, Қазақстанның дзюдодан Азия ойындарындағы медальдар саны 5-ке жетті. Бұған дейін күміс жүлдені Абиба Әбужақынова мен Елдос Сметов жеңіп алған еді.
Елдос Сметов 2026 жылғы Азия ойындарындағы күмістен кейінгі басты мақсатын атады
