«Бұл таңғаларлық»: Ван ’т Схип Байсуфинов туралы сұраққа ренжіді
Қазақстан құрамасының бас бапкері Джон ван’т Схип Молдовамен матч алдындағы баспасөз мәслихатында өзінің алдындағы маман — Талғат Байсуфиновқа қатысты қойылған сұраққа наразылығын білдірді, деп хабарлайды Sports24.kz.
Журналист Қазақстан құрамасы Байсуфиновтың жетекшілігімен Словакияға қарсы ойында да жеңіліп, Фарер аралдарымен тең түсуі мүмкін бе еді деген сұрақ қойғанда, ван’т Схип матчтардың нәтижесін осыншалық егжей-тегжейлі болжауға болатынына таңғалды:
— Байсуфиновтың басшылығымен де Словакиядан жеңіліп, Фарер аралдарымен тең түсуіміз мүмкін еді деп ойламайсыз ба?
— Алдыңғы жаттықтырушы Фарер аралдарын жеңіп, Словакиямен тең ойнайтынын болжай алатыныңыз өте қызық. Бұл... таңғаларлық. Ал маған келер болсақ, тыңдаңыз — мен мұнда жаңамын. Мен өзімнің көзқарасым бойынша жұмыс істеп жатырмын және жанымдағы керемет ассистенттермен бірге еңбек етудемін.
Біз белгілі бір қиындықтарға тап болып отырмыз, бірақ, меніңше, жұмысымызды жақсы атқарып келеміз. Қазір бар назарымыз Молдовамен өтетін ойынға бағытталған. Менен бұрын жаттықтырушы болған адаммен не болуы мүмкін еді деген ойға емес. Мұндай жағдайда ол кетпеуі керек еді.
Еске салайық, Ұлттар лигасындағы алғашқы екі матчта Қазақстан небәрі бір ұпай жинады: Фарер аралдарымен тең ойнап, Словакиядан жеңілді. Келесі кездесу — 2 қазанда Астанада Молдовамен өтетін матч.
