Өзбекстан құрамасы соңғы сәтте 2026 жылғы ӘЧ-ға өтінішін өзгертті
Жалолиддин Машарипов бұл турнирге қатыса алмайтын болды
Футбол
Жантөре Қайсаров
Редактор
ФОТО: Getty Images
Өзбекстан ұлттық құрамасының вингері Жалолиддин Машарипов әлем чемпионатына жарақатына байланысты қатыса алмайды, деп хабарлайды Sports24.kz.
Бұған дейін 32 жастағы фланг ойыншысының омыртқааралық дискінің жарығы қайта асқынғаны анықталып, осының салдарынан ол Өзбекстан құрамасының әлем чемпионатына дайындығының басым бөлігін өткізіп алғаны белгілі болды.
Telegram-дағы Футболиум арнасының мәліметінше, Машариповтың орнына Русланбек Жиянов шақырылып, ол қазірдің өзінде Өзбекстан құрамасының өтінішіне енгізілді және бұл ақпаратты ФИФА растады.
Еске сала кетейік, 10 маусымда ұлттық команданың медициналық штабы Машариповты емдеудің ықтимал жолдарын әлі де қарастырып жатқанын хабарлаған еді және сол кезде оның мундиалда өнер көрсетуіне үміт болған.
