«Қайраттың» таныс қарсыласы: «Сутьеска» қазақстандық клубпен бұған дейін ойнаған
2026/2027 маусымындағы Чемпиондар лигасының іріктеуін «Қайрат» Черногорияның «Сутьеска» клубына қарсы матчтармен бастайды. Қазақстандық футбол бұл қарсыласпен болған кездесуді жақсы біледі, деп хабарлайды Sports24.kz.
Дәл «Қайрат» пен «Сутьеска» әлі кездескен жоқ, алайда бұл атау «Астана» жанкүйерлеріне жақсы таныс, себебі черногориялықтар елордалық клубпен ойнаған болатын.
Бұл да Чемпиондар лигасының алғашқы іріктеу кезеңінде орын алған, тек сегіз жыл бұрын. 2018/2019 маусымының іріктеуінің басында сол кезде Роман Григорчук баптаған команда «Сутьесканы» екі рет жеңген еді.
Алғашқы ойын Астанада өтіп, алаң иелері Роман Мутразаевтың пенальтиден соққан голының арқасында жеңіске жетті. Никшичтегі қарымта матчта есеп ашу әлдеқайда оңай болды. Джордже Деспотович пен Серікжан Мұжықовтың голдарының арқасында «Астана» 2:0 есебімен жеңіске жетіп, қос матчтың қорытындысы бойынша 3:0 нәтижесіне қол жеткізді.
Айта кетейік, сол еурокубоктық маусымда елордалықтар үшінші іріктеу кезеңінде Загребтің «Динамосынан» ұтылып қалғанымен, Еуропа лигасының топтық кезеңіне жолдама алған еді. Ол жерде астаналықтарға француздың «Рен» клубын басып озу үшін небары бір ұпай жетпей қалды. Топта олармен бірге киевтік «Динамо» мен чехиялық «Яблонец» те болған.
