Файзуллаев Каннавародан алған құпияларын ашты: Өзбекстанның ӘЧ-2026-дағы алғашқы ойыны алдында
18 маусым күні таңертең Өзбекстан құрамасы әлем чемпионатындағы алғашқы кездесуін өткізеді. Ұлттық команданың жартылай қорғаушысы Аббосбек Файзуллаев мундиаль алдындағы команданың көңіл күйін Фабио Каннаваро қалай қалыптастырып жатқанын Sports24.kz тілшісіне айтып берді.
Өзбекстан құрамасының хавбекі бас бапкердің өз тәжірибесімен бөлісіп қана қоймай, футболшыларға ойынды рахаттанып ойнауды ұсынатынын жасырмады:
- Сондай-ақ оқыңыз: Өзбекстан Чеферинге қарсы мәлімдемеге қосылды
«Ол бізбен өз тәжірибесін бөліседі. Сондай-ақ қысымды біздің иығымыздан алып, өз мойнына алады. Ол бізге: “Бұл күндерден ләззат алыңыздар, өйткені біз алғаш рет әлем чемпионатына келдік. Жай ғана ойнаңыздар, бізде жоғалтатын ештеңе жоқ” дейді. Бұл бізге белгілі бір деңгейде артықшылық беруі мүмкін. Басты мақсатымыз – халқымыз біздің ойынымызбен мақтануы үшін бар күшімізді салу», – деді Файзуллаев «Спорт-Экспресс» басылымына берген сұхбатында.
Айта кетейік, алғашқы матч 18 маусым күні Астана уақытымен 07:00-де Колумбияға қарсы өтеді. Кейін өзбекстандықтар Португалия және ДР Конго құрамаларымен кездеседі.
