Самоделкина екі беделді халықаралық кезеңге тіркелді
Халықаралық коньки тебушілер одағы (ISU) 2026 жылғы мәнерлеп сырғанаудан әйелдер арасындағы Гран-при сериясының қатысушылар тізімін ресми түрде жариялады, деп хабарлайды Sports24.kz тілшісі.
Қазақстандық мәнерлеп сырғанау жұлдызы Софья Самоделкина екі беделді халықаралық кезеңге қатысады.
29 қазан мен 1 қараша аралығында Самоделкина Канадада өтетін Skate Canada International турнирінде өнер көрсетеді. Ал 13-15 қараша күндері Софья АҚШ-тағы Skate America кезеңінде мұзға шығады.
Айта кету керек, 2026 жылғы Гран-при-дің қалған төрт кезеңіне — Франция, Қытай, Финляндия және Жапония турнирлеріне — қазақстандық спортшы тіркелмеген.
Өткен маусым қалай өтті?
Ақпанда Самоделкина Италияда өткен Олимпиада ойындарында жеке әйелдер арасында оныншы орын иеленді.
Женіс кезеңінің қорытындысы бойынша Қазақстан өкілі қазылардан 138,99 ұпай алды. Қысқа бағдарламадағы 68,47 ұпаймен бірге, жалпы 207,46 ұпай жинап, 19 жастағы Софья үшін бұл – жеке рекорд.
Наурызда Прагада өткен әлем чемпионатында қазақстандық мәнерлеп сырғанаушы он екінші орын алды.