УЕФА «Қайрат» пен «Андерлехт» арасындағы ойын өтетін стадионды жариялады
Алматылық «Қайраттың» бельгиялық «Андерлехтке» қарсы Еуропа Лигасының плей-офф кезеңіндегі өз алаңындағы матчы Алматының Орталық стадионында өтеді, деп хабарлайды Sports24.kz.
Кездесу 20 тамыз күні сағат 20:00-де Қазақстан уақытымен басталады. Ойын өтетін орын туралы ақпарат УЕФА-ның ресми сайтында көрсетілген.
Бұған дейін «Қайрат» Чемпиондар лигасының үшінші іріктеу кезеңіндегі жауапты матчты Софияның «Левски» командасына қарсы Түркістанда өткізуге мәжбүр болды. Бұған Алматыда америкалық рэпер Канье Уэсттің концерті себеп болған еді.
Қазақстандық клуб екі матчтың қорытындысы бойынша «Левскиге» жол беріп, Еуропа Лигасында ойынын жалғастырды.
Чемпиондар лигасының іріктеуінде «Қайрат» черногориялық «Сутьесканы» және кипрлік «Омонияны» жеңді. «Андерлехт» Еуропа Лигасының іріктеуін екінші раундтан бастап, алдымен шведтің «Хаммарбюін» жеңді, кейін гректің ПАОК командасынан басым түсті.
Еске сала кетейік, Еуропа Лигасының негізгі кезеңіне шығу үшін ойындар 20 және 27 тамызда өтеді. Алғашқы матч Алматыда, қарымта кездесу – Андерлехттегі «Лотто Парк» стадионында болады.
Бұл қарсыластың жеңімпазы Еуропа Лигасының негізгі кезеңінде өнер көрсетеді, ал жеңілген команда сол кезеңде Конференциялар лигасына түседі.
