АПЛ-дың үздік төрешісі «Қайрат» — «Андерлехт» матчын қадағалайды
UEFA төрелік органдары Еуропа лигасының плей-офф кезеңіндегі «Қайрат» пен бельгиялық «Андерлехт» арасындағы алғашқы матчтың бас төрешісін анықтады, деп хабарлайды Sports24.kz.
Ойынды басқару ағылшын төрешілер бригадасына сеніп тапсырылды. Бас төреші — қырық жастағы Крис Кавана. Оған көмекшілер ретінде Дэн Кук пен Иан Хуссин, ал төртінші төреші ретінде Роберт Джонс тағайындалды. Видео көмекші төреші жүйесіне де ағылшын мамандары — Стюарт Аттвелл мен Мэттью Донахью жауап береді.
Кавана мансабындағы ең айтулы кездесулер — 2025 жылғы Англия Суперкубогындағы «Кристал Пэлас» пен «Ливерпуль» арасындағы матч, сондай-ақ «қызылдар» мен «Челси» арасындағы 2024 жылғы Англия лигасы кубогының финалы.
Дегенмен, мәртебесіне қарамастан, Кавана өткен маусымда Чемпиондар лигасының негізгі кезеңінде «Қайратпен» жолыққан болатын. Ол кезде ол «Пафосқа» қарсы матчтың бас төрешісі болған (0:0). Айта кетерлігі, ағылшын төрешісі бес рет бельгиялық командалардың ойындарына төрелік еткен, бірақ олардың арасында «Андерлехттің» қатысуымен бірде-бір матч болмаған.
Еске сала кетейік, «Қайрат» — «Андерлехт» матчы 20 тамыз күні Алматыдағы Орталық стадионда Астана уақыты бойынша сағат 20:00-де өтеді.
