Рыбакина матчының Цинциннатидегі турнирде басталуы кейінге қалды: себебі белгілі болды
Елена Рыбакина мен Диана Шнайдер америкалық Цинциннатиде өтіп жатқан WTA 1000 турнирінің 1/8 финалдық кездесуін уақытында бастай алмады, деп хабарлайды Sports24.kz.
Кездесудің басталуы Астана уақытымен 23:30-дан 00:40-қа шегерілді, бірақ арада бір сағат өтсе де теннисшілер кортқа шыққан жоқ.
Алдымен орталық корттағы матч, кейін Цинциннатидегі барлық ойындар жаңбырдың себебінен тоқтатылды. Алдын ала болжам бойынша, үзіліс 45-60 минутқа жалғасады, сондықтан кездесу басталса, ол Астана уақытымен 01:30-02:00 шамасында өтеді.
Айта кетейік, алдыңғы кезеңдегі польшалық Майя Хвалиньскамен өткен матч та екі рет тоқтатылған болатын, алайда ауа райына қарамастан, ойын аяқталды. 1/4 финалда Рыбакина — Шнайдер жұбының жеңімпазы әлемнің бесінші ракеткасы Ига Швентекпен кездеседі.
