Скандал в манчестерлік дербиде: Фоден Фернандешке жасаған дөрекі соққысы үшін алаңнан қуылды
«Манчестер Сити» Англия Премьер-лигасының төртінші турында «Манчестер Юнайтедке» қарсы дербидің 23-минутында-ақ он ойыншымен қалды, деп хабарлайды Sports24.kz.
«Сити» жартылай қорғаушысы Фил Фоден 23-минутта өрескел ойыны үшін тікелей қызыл қағаз алды.
Оқиға алаңның ортасында «Манчестер Юнайтед» капитаны Бруну Фернандешпен болған қатты қақтығыстан кейін орын алды. Португалиялық жартылай қорғаушы қарсыласын сәл теуіп жібергенімен, «Сити» ойыншысы өзін ұстай алмай, «қызыл сойқандар» капитанына бар күшімен соққы жасады.
Осылайша, «Манчестер Сити» «Ман Юнайтедке» қарсы тартысты дербиді он ойыншымен жалғастыруға мәжбүр. Фоденнің алаңнан қуылуы бірінші таймдағы негізгі сәттердің біріне айналып, дербидің барысына айтарлықтай әсер етуі мүмкін.
Өз кезегінде «Манчестер Юнайтед» елеулі басымдыққа ие болып, алаңдағы қосымша кеңістікті пайдалануға мүмкіндік алды. Командалар үзіліске 0:0 есебімен кетті.
Айта кетейік, үш турдан кейін «Манчестер Юнайтедтің» еншісінде төрт ұпай бар. Ал «Сити» дербиге анағұрлым сенімді жағдайда келді. Үш турдан кейін команданың еншісінде тоғыз ұпай болды.
