Энцо Мареска манчестерлік дерби алдында «Манчестер Юнайтед» бапкері туралы пікір білдірді
Жақын арада АПЛ аясында ымыраға келмейтін қарсыластар – «Манчестер Юнайтед» пен «Манчестер Сити» кездеседі. «Олд Траффордқа» аттанар алдында «қалалықтардың» бас бапкері Энцо Мареска баспасөз мәслихатын өткізіп, журналистердің сұрақтарына жауап берді, деп хабарлайды Sports24.kz.
«Манчестер Юнайтед» – «Манчестер Сити» матчы 13 қыркүйек, жексенбі күні өтеді. Ойын Қазақстан уақытымен 20:30-да басталады.
«Майкл Каррик? Менің ойымша, ол өткен маусымнан бері керемет жұмыс атқарып келеді. Ол команданы қиын жағдайда қабылдап, маусымды өте жақсы аяқтады. Бұл маусым да шамамен солай басталып жатыр, сондықтан ол өз жұмысын өте жақсы атқарып жүр. Қалада осы ойын қарсаңында үлкен толқу мен ерекше энергия сезіледі. Бұл матч екі команданың жанкүйерлері үшін де көп нәрсені білдіреді. Сіз ойыншы ретінде де, бапкер ретінде де үлкен матчтарға қатысып көрдіңіз.
Бұл ойын қаншалықты маңызды? Ол әртүрлі себептерге байланысты өте маңызды. Клуб, жанкүйерлер және барлығы үшін осы ерекше жылда дербидің қаншалықты маңызды екенін білеміз. Бұл – ерекше ойын. Ең бастысы – өз болмысымыздан айнымай, бүгінге дейін ойнағанымыздай ойнауға тырысу. Ал соңында нәтижесіне қараймыз», – деді Мареска.
Маресканың Sports24.kz аудармасымен өткен баспасөз мәслихатының толық видеосын төменде көруге болады.
