Еуропада «Тобылдың» «Партизанға» қарсы алғашқы таймына баға берілді
«Тобыл» Конференция Лигасының үшінші іріктеу кезеңі аясындағы матчтың бірінші таймында «Партизанға» минималды есеппен есе жіберді. 0:1 есебіне қарамастан, Х әлеуметтік желісіндегі жанкүйерлер қостанайлықтардың ойынына жоғары баға берді, деп хабарлайды Sports24.kz.
Ойынды бақылаған еуропалық жанкүйерлер бірінші таймдағы футбол сапасына аса тәнті болған жоқ, алайда «Тобылдың» «Партизаннан» еш кем түспегенін атап өтті. Сербиялық команда жалғыз голды тек ойыншылардың жеке шеберлігінің арқасында соқты:
«Екі команда да өте әлсіз ойнады, бірақ «Партизан» жекелеген ойыншыларының шеберлігі арқасында бірдеңе көрсете алды. Шабуылда мүлдем ой болмады. Допты дұрыс игере алмайды. Қорғаныста «Партизанның» әлі сыр беруі мүмкін деген сезім бар».
«Үзіліске дейін «Партизан» «Тобылды» 1:0 есебімен жеңіп тұр. Дегенмен нәтиже сәл алдамшы. Сербтер өз алаңында басымырақ көрінген жоқ, ойын да күткеннен әлдеқайда тең дәрежеде өтті. Жалғыз голды Сек соқты — бұл шабуылшыны «Партизан» жазда сатып алған, ал өткен маусымда ол «Торино» клубынан жалға ойнаған болатын».
Айта кетейік, бірінші таймда жалғыз голды 32-минутта Демба Сек соқты.
