ПСЖ - «Астон Вилла» матчының УЕФА Суперкубогындағы бейнешолуы
Францияның ПСЖ клубы УЕФА Суперкубогының иегері атанды. Жүлде үшін өткен кездесуде париждіктер Англияның «Астон Вилла» командасын 2:1 есебімен жеңді, деп хабарлайды Sports24.kz.
Кездесудің алғашқы бөлігінде ПСЖ есеп ашты. 21-минутта Хвича Кварацхелия допты қабылдап, айып алаңына кірді де, жақын жоғарғы бұрышты дәл көздеді - 1:0.
Алайда париждіктер үзіліске дейін басымдығын сақтап қала алмады. 45-минутта Джон Макгиннің пасынан кейін 17 жастағы Брайан Маджо қорғаушыдан озып, допты қақпаға бағыттады - 1:1. Осы голдың арқасында Маджо 17 жас 212 күнінде УЕФА Суперкубогы тарихында гол соққан ең жас футболшы атанды.
Екінші таймда ПСЖ қайтадан алға шықты. 61-минутта Дезире Дуэ париждіктердің шабуылын нәтижелі аяқтап, есепті 2:1-ге жеткізді.
Қалған уақытта «Астон Вилла» таразы басын теңестіруге тырысты. Дегенмен ПСЖ қорғаныста сенімді ойнап, қарсыласына есепті өзгертуге мүмкіндік бермеді. Нәтижесінде кездесу француз клубының 2:1 есебіндегі жеңісімен аяқталды.
Осылайша, ПСЖ екінші жыл қатарынан УЕФА Суперкубогын жеңіп алды. 2025 жылы париждіктер клуб тарихында алғаш рет бұл жүлдеге қол жеткізген еді. Сол кезде ПСЖ негізгі уақыттағы 2:2 есебінен кейін «Тоттенхэмді» пенальти сериясында жеңді.
Назарларыңызға ПСЖ - «Астон Вилла» матчының бейнешолуын ұсынамыз.
