«Бірінші тайм сұмдық болды»: Анчелотти – Мароккомен өткен матч туралы
Бразилия құрамасы 2026 жылғы әлем чемпионатындағы алғашқы ойынын Мароккоға қарсы тең нәтижемен бастады (1:1).
Селесаоның бас бапкері Карло Анчелотти ойыннан кейінгі баспасөз мәслихатында өз командасының ойыны туралы пікір білдірді, деп хабарлайды Sports24.kz.
«Бірінші тайм шынымен сұмдық болды. Біз допты ұстап тұра алмадық, команда қатты қобалжыды. Допты жиі жоғалтып, алаңдағы тепе-теңдікті жоғалттық. Екінші таймда ойынымызды жақсарттық. Бұл өте ауыр матч болды. Бірақ келесі ойындарда міндетті түрде күшейеміз, бұған сенемін.
Бірінші таймды мұқият сараптауымыз керек. Баланс жағынан мәселелер болды, осы тұсты жақсарту қажет. Әлем чемпионатындағы алғашқы матчта бәрі болуы мүмкін, сондықтан сенімділікті жоғалтуға болмайды. Турнирдің басында мінсіз ойын күтудің қажеті жоқ. Бұл нәтижені қабылдаймыз, ол аса жаман емес. Келесі ойында соңына дейін күресеміз», — деп мәлімдеді Бразилия құрамасының бапкері матчтан кейін.
Анчелоттидің толық баспасөз мәслихатын төменде тамашалай аласыз.
Айта кетейік, марокколықтар есепті 21-минутта ашты. Матчтағы алғашқы голды Исмаэль Сайбари соқты. 32-минутта Винисиус Жуниор таразы басын теңестірді. Бұл ойында бұдан артық гол соғылған жоқ.
