Бразилия – Марокко. Онлайн көру
14 маусымға қараған түні Бразилия мен Марокко құрамалары 2026 жылғы әлем чемпионатындағы алғашқы матчтарын өткізеді, деп хабарлайды Sports24.kz.
Қос команда С тобында өнер көрсетеді. Бұл топта сондай-ақ Шотландия мен Гаити құрамалары бар. Сарапшылардың пікірінше, дәл Бразилия мен Марокко плей-офф кезеңіне шығуға басты үміткерлер саналады.
- Матчтың барлық жарқын сәттері live режимінде Telegram-дағы Sports24.kz! арнасында қолжетімді.
Мундиаль қарсаңында Бразилия құрамасы екі жолдастық кездесу өткізді. Бразилиялықтар Панаманы 6:2 есебімен ойсырата жеңіп, кейін Мысыр құрамасынан 2:1 есебімен басым түсті.
Марокко да жақсы дайындық көрсетті. Африкалық команда Мадагаскарды 4:0 есебімен жеңіп, кейін Норвегиямен 1:1 есебімен тең түсті.
Бразилия – Марокко кездесуі 14 маусымға қараған түні өтеді. Ойын Астана уақытымен 03:00-де басталады. Матчтың тікелей трансляциясын Qazsport телеарнасы көрсетеді.
