Винисиустың голы Бразилияны Мароккомен матчтағы жеңілістен құтқарды
Сайбаридің голына Винисиус жауап берді, бірақ матч жеңімпазсыз аяқталды
Футбол
Аружан Темірбек
Редактор
ФОТО: Getty images
Бразилия мен Марокко құрамалары 2026 жылғы әлем чемпионатының топтық кезеңіндегі алғашқы матчында тең түсті, деп хабарлайды Sports24.kz.
Кездесуде есепті алғаш болып марокколықтар ашты. 21-минутта Исмаэль Сайбари мергендік танытып, өз командасын алға шығарды.
Алайда 32-минутта мадридтік «Реалдың» шабуылшысы Винисиус Жуниор таразы басын теңестіріп, Бразилияны жеңілістен құтқарды.
Екінші таймда екі команда да жеңіс голын соғуға мүмкіндік алғанымен, есеп өзгеріссіз қалды.
Әлем чемпионаты-2026. С тобы
Бразилия - Марокко - 1:1
Голдар: 0:1 - Сайбари, 21,1:1 - Винисиус, 32
Осылайша, Бразилия мен Марокко турнирді бір ұпайдан бастады.
Еске салайық, С тобындағы келесі матч Астана уақытымен 06:00-де өтеді. Алаңға Шотландия мен Гаити құрамалары шығады.
