Видео: Луис Энрике ПСЖ-ның УЕФА Суперкубогындағы жеңісінен кейін мәлімдеме жасады
ПСЖ бас бапкері Луис Энрике УЕФА Суперкубогы үшін өткен матчта «Астон Вилланы» жеңгеннен кейін пікір білдірді. Париждік клуб қарсыласын 2:1 есебімен жеңіп, екінші жыл қатарынан осы трофейдің иегері атанды, деп хабарлайды Sports24.kz.
Кездесуден кейін испаниялық маман Суперкубокты маусымдағы ең маңызды жүлде деп санамайтынын жасырмады. Дегенмен Энрике жаңа маусымды жеңіспен бастаудың команда үшін маңызды екенін атап өтті.
«Шынымды айтсам, бұл ең маңызды трофей емес. Өйткені бұл матчта ойнасаңыз, демек сіз бұған дейін Чемпиондар лигасын немесе Еуропа лигасын жеңіп алғансыз. Біздің жағдайда - Чемпиондар лигасын. Клубымыз үшін бұл қатарынан екінші Суперкубок және оның маңызы бар. Бірақ ешкім сізге тек осы трофейге қарап баға бермейді. Соған қарамастан, біз бәсекеге қабілетті болуға тырысамыз. Осы маусымда да бәсекеге қабілетті болу маңызды. Маусымды осылай бастау біз үшін маңызды және бұл трофейді жеңіп алғанымызға қуаныштымыз. Алайда алдағы жарыстарға қажетті оңтайлы деңгейге жету үшін әлі көп жұмыс істеуіміз керек. Бұл маусымға да алдыңғы екі маусымдағыдай дайындалып, барлық трофейді жеңіп алуға тырысамыз», - деді Энрике.
Айта кетейік, ПСЖ УЕФА Суперкубогын екінші жыл қатарынан жеңіп алды. «Астон Виллаға» қарсы кездесуде париждіктер сапынан Хвича Кварацхелия мен Дезире Дуэ гол соқты.
Sports24.kz назарларыңызға Луис Энрикенің матчтан кейінгі сөздерін аудармасымен бірге ұсынады.
