Словаки Қазақстанға қарсы Ұлттар лигасында реванш алуды көздеп отыр
Қазақстан құрамасының алдағы Ұлттар лигасындағы қарсыластарының бірі Словакия құрамасы болады. Джон ван’т Шкип шәкірттері бұл командамен жақсы таныс, ал словактар да мұны жақсы еске алады, деп хабарлайды Sports24.kz.
Словакия федерациясы Қазақстанға қарсы алдағы матчтарға арналған анонсында ерекше мотивация бар екенін атап өтті. Өйткені бұдан алдыңғы Ұлттар лигасының кезеңінде Магомед Адиев командасы олардың фавориттеріне біраз қиындық туғызып, В лигасына өтуіне жол бермеді:
«Қазақстанға қарсы матч Словакия құрамасы үшін қосымша мотивацияға ие болады. Дәл осы қарсылас бірнеше жыл бұрын Ұлттар лигасында словактарға біраз қиындық туғызған еді, сондықтан ұлттық құраманың оларға қайтаратын есесі бар.
2022/23 жылғы Ұлттар лигасында қазақстандықтар сегіз күн ішінде словактарды екі рет жеңді. Трнавада күтпеген жерден 1:0 есебімен жеңіске жеткеннен кейін, өз алаңында да басым түсті. Ол кездегі Нұр-Сұлтанда (қазіргі Астана) Қазақстан 2:1 есебімен жеңіп, кейін топта бірінші орын алды».
Еске салайық, командалар арасындағы алғашқы матч 29 қыркүйекте Словакияның Кошице қаласында өтеді, ал қарымта кездесуді командалар 16 қарашада Астанада өткізеді.
