Шкип пен ҚФФ басшылығы «Астана» - «Оқжетпес» матчына куә болды
«Астана» мәртебелі қонақтардың көз алдында «Оқжетпесті» (2:1) есебімен жеңіп, Кәсіби футбол лигасының кезекті турындағы жеңісіне қол жеткізді, деп хабарлайды Sports24.kz.
ҚФФ мәліметінше, матчта Қазақстан ұлттық құрамасының жаңа бас бапкері Джон ван ’т Шкип, Қазақстан футбол федерациясының бас хатшысы Скотт Манн және ҚФФ техникалық директоры Геннадий Скуртул болды.
Сондай-ақ, командаларға трибунадан бас бапкердің көмекшілері Нұрбол Жұмасқалиев пен Елдос Ахметов, қақпашылар жаттықтырушысы Юрий Новиков, физикалық дайындық жаттықтырушысы Вадим Боровский және сарапшы-жаттықтырушы Тимур Құсаинов бақылау жүргізді.
Ойын барысында Джон ван 'т Шкип командалардың ойынын мұқият қадағалап, алаңдағы футболшылардың әрекеттеріне назар аударды.
Айта кетейік, нидерландтық маман ван 'т Шкип 7 тамызда Қазақстан құрамасының бас бапкері болып ресми тағайындалған. Сонымен қатар, ұлттық құраманың бапкерлер штабына ассистент қызметіне Нұрбол Жұмасқалиев қабылданды.
Өз мансабында ван ’т Шкип Грекия мен Армения құрамаларын жаттықтырған, сондай-ақ Нидерланды ұлттық құрамасының жаттықтырушылар штабының мүшесі болған.
