«Женис» командасының бұрынғы бапкері грузин футболының тарихын қайта жазды
«Женис» клубынан кеткеннен кейін украиналық бапкер Андрей Демченко 2026 жылдың маусым айында Әзірбайжан арқылы «Иберия 1999» командасына келіп қосылды. Астаналық клубтың бұрынғы бас бапкеріне грузин футболының тарихына есімін алтын әріппен жазу үшін бар болғаны екі ай жеткілікті болды, деп хабарлайды Sports24.kz.
Грузия чемпионы Еуропа лигасының үшінші іріктеу кезеңінде Солтүстік Ирландияның «Ларн» клубын жеңіп, кем дегенде Конференциялар лигасының негізгі кезеңіне жолдаманы қамтамасыз етті. Осылайша, «Иберия 1999» — УЕФА Кубогының 2004/2005 жылғы маусымында «Динамо» (Тбилиси) клубынан кейін еурокубоктардың бұл сатысында өнер көрсететін бар болғаны екінші грузин ұжымы атанды.
- Тағы оқыңыз: «Райкард және Гуллитпен бірге ойнадым» – «Аякс» клубының бұрынғы ойыншысы Қазақстан құрамасының жаңа бапкері жайлы
Еуропа лигасының плей-офф кезеңінде Грузия чемпионы «Ягеллония» (Польша) – «Рейнджерс» (Шотландия) жұбының жеңімпазымен кездеседі. Бірінші матчта поляктар сенсациялық түрде 2:1 есебімен жеңіске жетті.
Демченко Қазақстанда жарты жылдан аз уақыт, 2025 жылдың маусымынан желтоқсанына дейін жұмыс істеді. «Женис» клубында украиналық маман 17 матч өткізді: оның сегізінде жеңіске жетіп, алтауы тең аяқталды, үш кездесуде жеңіліс тапты
