«Левски» - «Қайрат»: Уразбахтиннің Чемпиондар лигасы матчына таңдауы
«Қайраттың» болгариялық «Левскиге» қарсы Чемпиондар лигасының үшінші іріктеу кезеңіндегі старттық құрамы белгілі болды, деп хабарлайды Sports24.kz.
Болгариядағы іріктеу кездесуінің алғашқы ысқырығы Қазақстан уақыты бойынша 22:30-де естіледі. Тікелей көрсетілім Qazsport телеарнасында және Kairat TV-дің YouTube-арнасында қолжетімді болады.
«Левски»: Вуцов, Невеш, К. Димитров, Серафимов, Сентельес, Эль-Мубарик, Трдин, Сержинью, Окофлекс, Эвертон Бала, Рейналдо;
«Қайраттың» : Анарбеков, Мата, Африко, Мартынович, Мрынский, Байбек, Оксанен, Мендонса, Юккола, Эдмилсон, Гуаль.
«Қайрат» пен «Левскидің» қарымта матчы 11 тамыз күні Түркістандағы «Түркістан Аренада» өтеді.
Егер алматылықтар болгариялық ұжымды ұтса, плей-офф кезеңінде олар гректің АЕК клубымен кездеседі. Ойындар 18/19 тамызда (бірінші матч) және 25/26 тамызда (қарымта матч) өтеді. Алғашқы ойын «Левски» – «Қайрат» жұбының жеңімпазының алаңында ойналады.
Айта кетейік, Чемпиондар лигасының плей-офф кезеңіне шыққан жағдайда «Қайрат» Еуропа лигасының негізгі кезеңіне қатысу құқығына ие болады. Ал егер «Левскиді» айналып өте алмаса, алматылықтар Еуропа лигасының плей-офф кезеңіне түседі.
