Салах мансабын қай клубта жалғастыратыны белгілі болды
Түрік футбол лигасында тарихындағы ең сенсациялық трансферлердің бірі жүзеге асуы мүмкін, деп хабарлайды Sports24.kz тілшісі.
IndyKaila инсайдерінің ақпараты бойынша, Мұхаммед Салах мансабын «Трабзонспорда» жалғастырады. Дереккөз мәліметінше, келіссөздер басталып кеткен, әрі мысырлық шабуылшының түрік клубына қосылуы күтілуде.
Бұған дейін «Трабзон» Салахтың өкілдерімен келіссөздерде айтарлықтай ілгері ұмтылып, жұлдызды ойыншы үшін күресте «Бешикташтан» озып кеткені хабарланған еді. Дегенмен, қаржылық шарттар мен ықтимал келісімшарттың мерзімі әлі жарияланған жоқ.
Алайда, бұл трансфер жайлы ресми растама жоқ. Оның үстіне, 2 тамызда «Трабзонспор» президенті Ертуғрул Доган шабуылшымен келісім жасалғаны туралы ақпаратты жоққа шығарды. Сондықтан IndyKaila ақпараты әзірге тек трансферлік қауесет күйінде қалып отыр.
Айта кетейік, бұл жазда «Ливерпульден» кеткеннен кейін мысырлық форвард қазір еркін агент мәртебесіне ие.
Бұған дейін саудиялық клубтардың мысырлық жұлдыз үшін таласып жатқаны хабарланған еді.
