ӘЧ-2026: Франция - Сенегал матчының шолуы
Франция құрамасы 2026 жылғы әлем чемпионатын жеңіспен бастады. Топтық кезеңнің алғашқы турында француздар Сенегал құрамасын 3:1 есебімен ұтты, деп хабарлайды Sports24.kz.
Кездесудің басты кейіпкері команда капитаны Килиан Мбаппе болды. Француз шабуылшысы 66-минутта есеп ашып, матчқа қосылған уақытта дубль авторы атанды. Ал Францияның үшінші голын 82-минутта Брэдли Баркола соқты.
Сенегал құрамасы ойынның соңында ғана жауап қайтара алды. 90+5-минутта Илиман Мбайе мергендік танытқанымен, бұл гол жеңілістен құтқара алмады.
Бұл матч Мбаппе үшін тарихи болды. Форвард ұлттық құрама сапындағы гол санын 58-ге жеткізіп, 57 голмен рекорд ұстап тұрған Оливье Жируды артта қалдырды. Осылайша, ол Франция құрамасы тарихындағы үздік сұрмерген атанды.
Осы жеңістен кейін Франция құрамасы әлем чемпионатындағы алғашқы үш ұпайын еншілеп, плей-офф жолындағы маңызды қадам жасады.
Назарларыңызға Франция - Сенегал матчының бейнешолуын ұсынамыз.
